ai khuda zabt ke zindan mein koi dar kar de
ya use mom bana ya mujhe patthar kar de

par kiye hain jo ata taqat-e-parwaz bhi de
ya to main khul ke udun ya mujhe be-par kar de

sazishen karte hain kyun apne gharane wale
ghar diya hai to mere ghar ko mera ghar kar de

mujh se ye karb ka aalam nahin dekha jata
hafiza chhin le aankhen meri patthar kar de

mere hisse ka sakun bant de insanon mein
dard-e-sar sare zamane ka mere sar kar de

mujh ko insan utara hai to insan bana
be-zari mera muqaddar hai to bu-zar kar de