ai tajalli kya hua shewa teri takrar ka
mar gaya aakhir ko ye talib tere didar ka

kya bina-e-khana-e-ushshaq be-buniyaad hai
dhal gaya sar se mere saya teri diwar ka

roz beh hota nazar aata nahin ye zakhm-e-dil
dekhiye kya ho khuda hafiz hai is bimar ka

nau-mulazim lal-e-lab ko le gae tankhwah mein
be-talab rahta hai ye naukar teri sarkar ka

dekh nain sakta 'fughan' shadi dil-e-afat-talab
ye kahan se ho gaya malik mere ghar-bar ka