ain mumkin hai ye duniya tujhe shahkar lage us ki tamir mein hum jaise gunahgar lage dekhne mein to bahut phul the us tahni par chhu ke dekha to sabhi phul hamein khar lage main ne to zakhm kharide hain na beche hain kabhi phir bhi ye dil ki koi dard ka bazar lage ek jawan gham ka natija hai ki aksar mujh ko rah chalta hua har shakhs azadar lage nakhuda nind mein hai aur samundar bedar sina-e-mauj pe kab dekhiye patwar lage aisi taswir banaunga main dariya ki 'adil' wo jo us par nazar aata hai is par lage