ajab main hun ajab hi dil hai jaanan
ye pagal tujh pe hi mail hai jaanan

jise sab kah rahe hain apna rahbar
wahi hai han wahi qatil hai jaanan

yahan hami nahin koi hamara
ye pura shahr hi buzdil hai jaanan

zamane ke sitam hain be-tahasha
tera gham sath mein shamil hai jaanan

hamari maut ka bais banega
labon ke pas jo ek til hai jaanan

nahin agle janam ka bhi dilasa
musalman hun badi mushkil hai jaanan