ajab tilism hai nairang-e-jawedani ka
ki tutta hi nahin nashsha khud-gumani ka

safar tamam hua jab sarab ka to khula
ajib zaiqa hota hai thande pani ka

jahan pe khatm wahin se shurua hoti hai
tabhi to zikr-e-musalsal hai is kahani ka

kidhar dubo ke kahan par ubhaarta hai tu
ye kaisa rang hai dariya teri rawani ka

wo mujh mein ab bhi wahi hausle talashta hai
kahan se dhund ke laen badal jawani ka