ajib baat hai bimar hai nahin bhi hai
ye dil tumhaara talabgar hai nahin bhi hai

hain mumkinat nihan is ada mein shokhi mein
labon pe un ke jo inkar hai nahin bhi hai

hai kaisa azm-e-safar kaisi chahat-e-manzil
safar ko karwan tayyar hai nahin bhi hai

ye apni apni samajh hai ye apna apna shuur
safar hayat ka dushwar hai nahin bhi hai

ye waqt waqt pe hai munhasir jo sach puchhen
'obaid' aap ka khuddar hai nahin bhi hai