ajib sham ka manzar dikhai deta hai
jab aaftab zamin par dikhai deta hai

mujhe to nil-gagan ke wirat aangan mein
hasin chand pe ek ghar dikhai deta hai

falak ka bojh muqaddar mein jis ke likkha ho
use to chand bhi patthar dikhai deta hai

jinhen bachana tha amn-o-aman ka shish-mahal
unhin ke hathon mein patthar dikhai deta hai

jise talash kiya aap ne zamane mein
mujhe wo khud hi ke andar dikhai deta hai