amir se hai talluq na ye gharib se hai sukun-e-qalb mayassar magar nasib se hai hamare sath yahi rabta khulus se tha hamare dost ka jo aaj-kal raqib se hai ye umr bhar ke raqibon se bad-zani meri mushahide ki bina par hai jo qarib se hai ye zindagi to ho malum alf-laila ka ek iqtibas kisi qissa-e-ajib se hai sitam zamane ka fil-waqt zer-e-bahs nahin hamara ru-e-sukhan 'shaukat' ek habib se hai