andaz-e-fikr apna badal kar to dekhiye nafrat ke daeron se nikal kar to dekhiye hum hain wafa-parast ye aa jaega nazar ainak ko aap apni badal kar to dekhiye manzil zarur chumegi qadmon ko aap ke azm-e-safar ke sath nikal kar to dekhiye har-dil-aziz aap bhi ban jaenge huzur khol-e-ana se apne nikal kar to dekhiye khud mit ke faiz auron ko dene ke lutf ko 'nayyar' shama sa aap bhi jal kar to dekhiye