apne hathon se bana kar kashtiyan barish ki sham main ne pani mein baha din chitthiyan barish ki sham dil ke daftar mein wo manzar aaj bhi mahfuz hai garm coffee balcony sardiyan barish ki sham ro ke dil ki tahniyon par aise aaya hai shabab jis tarah bhigi hui hon ladkiyan barish ki sham raqs mein hai qasr-e-shahi jashn hai barsat ka kya karen kachche gharon ki bastiyan barish ki sham jis qadar ye aasman roya main roya us qadar dhul gain sab dil-shajar ki tahniyan barish ki sham yaad aati hain mujhe aksar dayar-e-ghair mein man ki mamta bajre ki rotiyan barish ki sham sari galiyan sare kuche sare dar sunsan hain aur hain aabaad sari khidkiyan barish ki sham