apne hi shab o roz mein aabaad raha kar hum log bure log hain hum se na mila kar shayad kisi aawaz ki khushbu nazar aae aankhen hain to khwabon ki tamanna bhi kiya kar baaton ke liye shikwa-e-mausam hi bahut hai kuchh aur kisi se na kaha kar na suna kar sone de unhen rang jo soe hain badan mein aawara hawaon ko na mahsus kiya kar tu subh-e-bahaaran ka hasin khwab hai phir bhi aahista zara os ki bundon pe chala kar