apni be-chehragi bhi dekha kar
roz ek aaina na toda kar

tu jidhar jae din nikal aae
raushni ka mizaj paida kar

ye sadi bhi kahin na kho jae
apni marzi ka koi lamha kar

dhup mein istiara baadal ka
tu agar hai to yar saya kar

chaara-sazi to kar rahe hain gham
tu mere aansuon ka sauda kar

jaane kab chhod kar chali jae
zindagi ka na yun bharosa kar

masale hain to hal bhi niklenge
pas aa sath baith charcha kar