badle mein jafaon ke wafa kyun nahin dete tum ishq ke shoalon ko hawa kyun nahin dete madum agar ho to kahan dhundhne jaen maujud agar ho to pata kyun nahin dete hairat hai ki is daur-e-kudurat ke salatin hum ahl-e-mohabbat ko saza kyun nahin dete milti hai gunahon ki saza hashr mein lekin na-karda gunahon ki jaza kyun nahin dete kab tak ai 'sahar' zabt ka aazar sahoge jo baat hai wo us ko bata kyun nahin dete