baghban bad-guman na ho jae
dushman-e-ashiyan na ho jae

gardishen badh rahi hain qismat se
ye zamin aasman na ho jae

muskura to rahe hain aap magar
nazr-e-atish jahan na ho jae

dekh len khud wo tab-e-nazzara
sharm jo darmiyan na ho jae

chutkiyon se teri ye parda-e-dil
jaan-e-man dhajjiyan na ho jae

bijliyon ko hai zid kahin jal kar
khak ye aashiyan na ho jae

teri rudad-e-ishq bhi 'paikan'
qais ki dastan na ho jae