bahaar aai hai phir wahshat ke saman hote jate hain
mere sine mein daghon ke gulistan hote jate hain

mujhe bachpan kar ke dil-dahi bhi hoti jati hai
jafaen karte jate hain pasheman hote jate hain

kahan jata hai ai dil shikwa-e-mehr-o-wafa karne
wahan be-dad karne ke bhi ehsan hote jate hain

'nasim'-e-zinda-dil marne lage hain khub-ruyon par
ghazab hai aise danish-mand nadan hote jate hain