bahaaron ke mausam ko kya ho gaya hai khizan ka chalan aam sa ho gaya hai kahin par zamin khun mein tar-ba-tar hai kahin aasman surkh sa ho gaya hai har ek samt hai zulmaton ka basera ujala to jaise khafa ho gaya hai sulagti hui nafraton se bhare dil mohabbat ka jazba hawa ho gaya hai mafadat aur maslahat khud-parasti fusun kaisa jag mein bapa ho gaya hai chalo so rahen odh kar hum zamin ko ki duniya mein jina saza ho gaya hai