be-ghari ka apni ye izhaar kam kar dijiye

be-ghari ka apni ye izhaar kam kar dijiye
sher mein zikr-e-dar-o-diwar kam kar dijiye

apni tanhai mein itna bhi khalal achchha nahin
aap apne aap se guftar kam kar dijiye

dushmanon ki khud-ba-khud ho jaegi tadad kam
yaron ki fihrist mein kuchh yar kam kar dijiye

jab tawajjoh hi nahin maujudgi kis kaam ki
is kahani mein mera kirdar kam kar dijiye

sochiye ab itne chaaragar kahan se aaenge
muskura kar apne kuchh bimar kam kar dijiye

aap ki baaton mein aa kar jaan se to ja chuke
ab to in mein zahr ki miqdar kam kar dijiye


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close