be-nala-o-fariyaad-o-fughan rah nahin sakte qahr is pe ye hai is ka sabab kah nahin sakte maujen hain tabi'at mein magar uth nahin saktin dariya hain mere dil mein magar bah nahin sakte patwar shikasta hai nahin taqat-e-garmi hai naw mein surakh magar kah nahin sakte kah doge ki hai tajraba is baat ke bar-‘aks kyunkar ye kahen zulm-o-sitam sah nahin sakte 'izzat kabhi wo thi ki bhulae se na bhule tahqir ab aisi hai jise sah nahin sakte