be-wajh ye hangam-e-bahaaran to nahin hai
kuchh sazish-e-arbab-e-gulistan to nahin hai

ai josh-e-junun khol ke aankhen to zara dekh
hathon mein kahin un ka gareban to nahin hai

hone ko hai ye nazm-e-jahan darham-o-barham
aansu koi larzan sar-e-mizhgan to nahin hai

hone ko mujahid bhi hain jaanbaz bhi lekin
wo hausla-e-buzar-o-salman to nahin hai

rah rah ke nazar su-e-falak uthti hai 'zamzam'
wo mujh pe kahin aaj mehrban to nahin hai