bhai kamal kar diya diwar khinch kar
pahle ye kaam hota tha talwar khinch kar

itna jhuka diya hai tere hijr ne mujhe
bachcha bhi sar se le gaya dastar khinch kar

kirdar bhi dikhata agar shakl ki tarah
de marte zamin pe mujhe yar khinch kar

ye kaenat mere takhayyul se chhoti hai
dekha hai is ko main ne kai bar khinch kar

naukar nahin samajhta zaban ko main kan ka
padhta nahin hun is liye ashaar khinch kar