bhari duniya mein aakhir dil ko samjhane kahan jaen
mohabbat ho gai jin ko wo diwane kahan jaen

lage hain shama par pahre zamane ki nigahon ke
jinhen jalne ki hasrat hai wo parwane kahan jaen

sunana bhi jinhen mushkil chhupana bhi jinhen mushkil
zara tu hi bata ai dil wo afsane kahan jaen

nazar mein uljhanen dil mein hai aalam be-qarari ka
samajh mein kuchh nahin aata sukun pane kahan jaen