bhari mahfil mein ruswa ho gae the hami ghar ghar ka charcha ho gae the ye kis ne pith par khanjar chalaya sabhi dushman to paspa ho gae the kisi mauj-e-saba ke muntazir the chaman ke phul tanha ho gae the wo kis hasti ke lab ki jumbihson se kabhi patthar bhi goya ho gae the imarat jun ki tun lagti thi lekin dar-o-diwar murda ho gae the teri in jhil si aankhon ke andar samundar the jo sahra ho gae the