bhini bhini dard ki khushbu lutane ke liye phul khilte hain chaman mein muskurane ke liye har gul-e-tahzib ko haq hai ki wo khilta rahe is riyaz-e-dahr mein khushbu lutane ke liye yun simatna bhi hai koi zindagi ai dosto zindagi hai wusat-e-alam pe chhane ke liye kuchh fareb-e-rang-o-bu mein aa hi jata hai bashar warna ye duniya nahin hai dil lagane ke liye ek jogan ne baha kar gyan ki ganga kaha gyan hi kailash hai shankar ko pane ke liye dosti mein hai baja 'pankaj' sawal-e-shauq bhi hoti hai yari magar qurban jaane ke liye