bhuli-bisri hui yaadon mein kasak hai kitni
dubti sham ke atraf chamak hai kitni

manzar-e-gul to bas ek pal ke liye thahra tha
aati jati hui sanson mein mahak hai kitni

gir ke tuta nahin shayad wo kisi patthar par
us ki aawaz mein tabinda khanak hai kitni

apni har baat mein wo bhi hai hasinon jaisa
us sarape mein magar nok-palak hai kitni

jate mausam ne jinhen chhod diya hai tanha
mujh mein un tutte patton ki jhalak hai kitni