but-khana sang-e-rah hai jis ku-e-yar ka kaba bhi ek nishan hai usi rahguzar ka adna sa aks hai rukh-e-rangin-e-yar ka aalam bana hua hai muraqqa bahaar ka mujh ko to shauq-e-sajda mein ye bhi nahin khabar sang-e-dar-e-raqib hai ya qasr yar ka rahmat bhi tere sath hai bakhshish bhi tere sath phir khauf kya hai pursish-e-roz-e-shumar ka ho jaen ek kafir-o-din-dar kis tarah jalwa alag alag hai rukh-o-zulf-e-yar ka zahid tamam taqwa-o-tamat chhod de qail agar hai rahmat-e-parwardigar ka taswir bhi na us ki tasawwur mein khinch saki adna sa ye kamal hai shokhi-e-yar ka fiqre ghazab ke likkhe hain khat ke jawab mein goya qalam se kaam liya zulfiqar ka kar dun na gharq-e-jam dil-e-be-qarar ko jhagda chuka hi dun na dil-e-be-qarar ka shan-e-karam ko us ki gawara nahin kabhi mayus ho ke lautna umid-war ka pir-e-mughan sa pir ho 'shaghil' ka mo'taqid phir zikr-o-shaghl dekh mai-e-khush-gawar ka