chandni shab hai sitaron ki ridaen si lo
id aai hai bahaaron ki ridaen si lo
chashm-e-saqi se kaho tishna umidon ke liye
tum bhi kuchh baada-gusaron ki ridaen si lo
har baras sozan-e-taqdir chala karti hai
ab to kuchh sina-fagaron ki ridaen si lo
log kahte hain taqaddus ke subu tutenge
jhumti rah-guzaron ki ridaen si lo
qulzum-e-khuld se 'saghar' ki sada aati hai
apne be-tab kinaron ki ridaen si lo