dair-o-haram mein jalwa-e-jaanana ek hai parda uthe to kaba-o-but-khana ek hai ghar ho ki tur jalwa-e-jaanana ek hai kahne ki baat sau hain par afsana ek hai arman dil mein khak udate hain saikdon majnun hazar phirte hain virana ek hai main aap par fida hun fida aap ghair par mera aur aap ka to kuchh afsana ek hai kis naz se wo kahte hain wahshat ke zikr par 'shoala' bhi apne dhang ka diwana ek hai