dar koi jannat-e-pindar ka wa karta hun
aaina dekh ke main hamd-o-sana karta hun

raat aur din ke kinaron ke talluq ki qasam
waqt milte hain to milne ki dua karta hun

wo tera unchi haweli ke qafas mein rahna
yaad aae to parindon ko riha karta hun

ek ladki ke taaqub mein kai barson se
nit-nai zat ke hotel mein raha karta hun

puchhta rahta hun maujon se guhar ki khabren
ashk-e-gum-gashta ka dariya se pata karta hun

mujh se 'mansur' kisi ne to ye pucha hota
nange panw main tere shahr mein kya karta hun