dekh apna khayal kar baba
ho gai raat ja tu ghar baba

dhup utregi tere kamre mein
rakh dariche ko khol kar baba

yaad rakhna mujhe duaon mein
taki aasan rahe safar baba

jis ka hai intizar barson se
jaane kab hogi wo sahar baba

uth raha hai usi taraf wo dhuan
apni kutiya ki le khabar baba

lut na jae mata-e-dil apni
ye luteron ka hai nagar baba

is tarah ganw se gaya 'anjum'
phir na aaya wo laut kar baba