der tak ek saya-e-abr guman dekha hua aag banta ja raha hai saeban dekha hua phir isi shiddat ki tisen hain dil-e-kaj-fahm mein phir wahi hai majma-e-chaara-garan dekha hua dekhta rahta hun shaklen sochta rahta hun nam dhundhta phirta hun aks-e-na-gahan dekha hua raaz hai koi jo mujh par munkashif hone ko hai kis liye lagta hai an-dekha jahan dekha hua kya kahun kis kaif mein gum hai meri chashm-e-khayal har koi mahsus hota hai yahan dekha hua jhut thahra hai 'munawar' un ruton ke darmiyan khwab-e-imkan-e-numu paiwand-e-jaan dekha hua