dhadkanon ki sab kahani khatm-shud meri aankhon ka bhi pani khatm-shud mai nai lao dukan-e-hijr se jo padi thi kuchh purani khatm-shud ye rahi wo jhil jis ki khoj thi panchhiyo naql-e-makani khatm-shud barf ne sar par basera kar liya ab jawani ki kahani khatm-shud shahr-e-dil ki raunaqen sab kho gain har tarah ki shadmani khatm-shud ungliyon ke bolne se ye hua sab payam-e-munh-zabani khatm-shud chal ke 'asif' puchhte hain waqt se kab ye hogi raegani khatm-shud