dharti kate ambar kate
tum bin har ek manzar kate

us papi ka mantar kate
koi pir payambar kate

pyar mein duniya billi ban kar
mera rasta aksar kate

fasl-e-mohabbat ki diwani
din bhar boe shab bhar kate

rone ke din bhi aae the
lekin hum ne hans kar kate

tujh bin mujh ko nind na aae
rain dase aur bistar kate

dete ho tum jin ki duhai
wo din hum ne aksar kate

ek zalim shamshir ba-kaf hai
dekho kis kis ka sar kate