dharti ki zaban sukh gai zard hui ghas aakash se imsal utarti hai faqat pyas aabaad hui sham ki raunaq mere ghar mein sadkon pe bhatakna mujhe kyon aaega ab ras hathon mein hai fursat ki gutha zist ka lachha yaron ka sar-e-sham hua lawn pe ijlas ab jaun kahan chhat se tapakti hain balaen ab kis ka bharosa hua ghar ghar se nahin aas manzar hain sabhi mere dil-e-bina pe raushan ghurbat mein mera shahar bhi hota hai mere pas