dil azal se markaz-e-alam hai
shisha-e-aghaz mein anjam hai

chashm-e-saqi ka ye sara kaam hai
nashsha-e-mai muft mein badnam hai

baada-e-ahmar se khali jam hai
dil to hai lekin bara-e-nam hai

wajh-e-taskin dil ki dhadkan ban gai
ab hawa chalti hai kuchh aaram hai

marhaba ai kasa-e-charkh-e-kuhan
gardishen jab tak hain tera nam hai

teri qismat hi mein zahid mai nahin
shukr to majburiyon ka nam hai