Dil Geya Tumne Liya Hum Kya Karen

Jaane Wali Cheez Ka Gham Kya Karen



Hum Ne Mar Kar Hijr Mein Payi Shifa

Aise Achhon Ka Maatam Kya Karen



Apne Hi Gham Se Nahi Milti Najaat

Is Binaa Par Fikr-E-Aalam Kya Karen



Ek Saaghar Par Hai Apni Zindagi

Rafta Rafta Is Se Bhi Kam Kya Karen



Kar Chuke Sab Apni Apni Hikamtein

Dum Nikalta Ho To Humdum Kya Karen



Kehte Hain Ahl-E-Sifarish Mujh Se 'Daag'

Teri Kismat Hai Buri Hum Kya Karen!