dil jala kar gaya to gaya ab kahan
ab nahin lag raha dil mera is jahan

bin tere ab sukun aayega kab mujhe
ab tera gham mujhe le chala hai kahan

dil laga kar bata mil gaya ab sukun
kab raha ba-wafa rah gaya bas guman

kab sada rah saka wo mera dil-ruba
kar gaya wo mera ek naya sa ziyan

bujh raha hai diya ai mere ham-nawa
sun sada ab meri aaega kab yahan

sath tere 'jamali' salamat rahen
meri ye aajizi mera nam-o-nishan