dil ki mahfil mein kabhi ram nahin rakhte hum log
yani ladte hue sar kham nahin rakhte hum log

tum bata do tumhein kis waqt jagana hoga
dil dhadakta hai alaram nahin rakhte hum log

wahshat-e-abr bana deti hai thal ko dariya
rag gate hain to phir sam nahin rakhte hum log

surkh jode ki qasam sabz muqaddar wali
ab kisi rang ka parcham nahin rakhte hum log

ab to har aankh ke apne hi siyah halqe hain
ab tere nam pe matam nahin rakhte hum log