dil ko mamur karo jazb-o-asar se pahle naqsh-e-manzil chamak utthenge safar se pahle lamha-e-fikr se saqi ki murawwat ke liye bazm-e-rindan mein chale jam kidhar se pahle garmi-e-ishq ne bakhsha hai ye aalam warna husn bedar na tha meri nazar se pahle rifaten kaun-o-makan ki bhi simat aati hain kis ko malum tha ye sajda-e-dar se pahle daman-e-mizhgan ke shab-tab sitaron ki qasam ek hasin subh ka aalam tha sahar se pahle lab bhi betab hain izhaar-e-haqiqat ke liye dastan sun lo magar dida-e-tar se pahle kahkashan-saz kiya qadmon ko main ne warna kaun waqif tha teri rahguzar se pahle lazzat dard farishton ko 'raza' kya malum na hua ishq ka aazar bashar se pahle