dil mein rah kar umr bhar wo sakht jaan ho jaega
kya khabar thi mehrban na-mehrban ho jaega

hadse to zindagi ke ham-safar hain dosto
ye juda jo ho gae suna jahan ho jaega

jis ki khatir hum zamane se sada takrae hain
kya khabar thi wo bhi hum se bad-guman ho jaega

zindagi ke har qadam par aazmaish shart hai
apne apne zarf ka phir imtihan ho jaega

ab na 'ambar' koi dohrae gham-e-hasti ki baat
warna ye dard-e-jigar bar-e-garan ho jaega