dil mein utroge to ek ju-e-wafa paoge mauj-dar-mauj samundar ka pata paoge main to kho jaunga tanhai-e-jangal mein kahin tum bhare ghar mein kahan mujh ko bhala paoge dil se be-sakhta umde hain badhao kaf-e-dast aaj aansu ko bhi ham-rang-e-hina paoge aag hi aag sahi khwab mein jal kar dekho is jahannum mein bhi jannat ki hawa paoge gham uthane ka ye andaz batata hai 'naim' ek na ek rose wafaon ka sila paoge