dil mein zakhmon ki nai fasl ugane nikle dard ke phul bayaban mein khilane nikle har imarat pe nae sal ka katba dekha pahunche nazdik to aasar purane nikle pahle har dar pe rakhe shoala-bayani ke diye jal utha shahr to phir aag bujhane nikle chand jab ruth ke rukhsat hua baam-o-dar se log tapte hue suraj ko manane nikle har qadam talkhi-e-tabir ke patthar barse khwab-zaron ko kabhi hum jo sajaane nikle dil ne jab qaid-e-talluq se rihai mangi qurbaton ke liye kuchh aur bahane nikle