dilon mein pyar ka husn-o-jamal paida ho
kisi ke shisha-e-dil mein na baal paida ho

hamari tez zaban se kabhi khuda na kare
kisi ke qalb mein koi malal paida ho

nigah-e-aina bhi jis se munharif ho jae
kisi ke husn mein kyon wo zawal paida ho

jo mere zehn mein yaadon ki titliyan aain
shab-e-firaq mein rang-e-visal paida ho

khayal hi se hai ijad ka chaman 'faruq'
ubhaar zehn ki taza khayal paida ho