din-raat rah-e-ishq mein be-sud aah kar
hai husn ka taqaza ki khud ko tabah kar

duniya ko apne dard key kuchh bhi nahin qadar
ab is dayar-e-ranj se saman-e-rah kar

qabil hon dad ke ye zaruri bhi to nahin
ho un se khush zamana to tu wah wah kar

yaksar jo dil lagaya to dil key qadar gai
ye gah pas rakh le nazar un key gah kar

thak sa gaya sath se ye dil be-qarar sa
ab ye safina-ha-e-bahar nazr-e-thah kar

mahbub key nazar ka ye adna kamal hai
jis ko gada ye kar de jise chahe shah kar