diwana tha jo zehn se uljha tamam raat asbab-e-gham ki fikr mein jaga tamam raat gham ke baghair zinda rahunga main kis tarah bechain is khayal ne rakkha tamam raat jab mere us ke bich talluq hi kuchh nahin phir dil ko kya hua ki jo tadpa tamam raat ye mere apne husn-e-tasawwur ki baat hai rahta hai mere ghar bhi ujala tamam raat 'farman' un ki yaad mein to raat kat gai achchha hua qarar na aaya tamam raat