dost ban kar wo dilsitan na raha chaar din bhi to mehrban na raha dil ke dam se tha hasraton ka hujum ab wo salar-e-karwan na raha kya hasinon ne zulm chhod diya dil mein kyun dard ka nishan na raha kabe mein dair mein kalisa mein zikr us ka kahan kahan na raha dil mein mere wo chhup ke baith gae jab koi un ka pasban na raha mujh se gar ruth kar gaya koi bewafai ka bhi guman na raha aap ke zulm bhi khushi se sahe 'shad' kis roz shadman na raha