dosti ka maqam dekh liya
jazba-e-intiqam dekh liya

khun-e-qatil ki khanjar-ashami
qatl ka ehtimam dekh liya

naw kis ne duboi sahil ki
nakhuda ka kalam dekh liya

harf-e-ehsas jab hua ghayal
shiddat-e-iltiyam dekh liya

aarzu-e-azab-e-ishq hai pas
dard ka iltizam dekh liya

hath uthae dua-e-bad ke liye
zarf-e-nail-e-maram dekh liya

purza purza mila ke phad diya
khat pe 'nazir' ka nam dekh liya