duaen mang ke dil ko qarar rahta hai tere karam ka hamein intizar rahta hai wo mere dard ko padhta hai mere chehre se nami ho aankh mein to be-qarar rahta hai agar kabhi main jhidak dun kisi sawali ko mera zamir bahut sharmsar rahta hai jab ek firqe ke logon pe tutte hain sitam tamash-binon mein hi shahryar rahta hai ye sach hai phone pe baat huin magar beto gale lagane ko dil be-qarar rahta hai hamari jholi mein lal-o-gohar nahin 'asif' khazana pyar ka han be-shumar rahta hai