duniya mein ji raha hun magar ji uchat gaya
sadiyon ka jo safar tha wo ek pal mein kat gaya

muddat ke baad mujh ko jagaya zamir ne
phir yun hua ki zehn gunahon se hat gaya

ghar ki mohabbaton ka wo aalam na puchhiye
zanjir sa ye kaun qadam se lipat gaya

dariya hun ek main mera apna wajud hai
qatra mujhe samajh ke samundar palat gaya

aakhir ko dil ka bojh utar hi gaya 'hakim'
lafzon mein mera dard ba-khubi simat gaya