duniya thak gai puchhte rahe sada hum maun
samjhega tere siwa man ki bhasha kaun

baaten hongi pyar ki mila aaj ekant
nain utaren aarti man ka sanshay shant

chid jae jab puchhti kaise ho ghanshyam
us ne bhi to rakh liya mera mera nam

tu meri ardhangini li main ne saugandh
aansu tapke pyar ke kar li aankhen band

jogi aaya dwar par khali lauta kal
rogi mati chat kar uth baitha tatkal