ek aur zindagi hai suna hai qaza ke baad
yani saza hai aur abhi is saza ke baad

kya jaaniye kahan main khada chikhta raha
ubhri na bazgasht bhi meri sada ke baad

lagta hai ab ye zor-e-talatum ko dekh kar
jaise na ho khuda bhi mera na-khuda ke baad

badlo jo tum nigah to ye bhi rahe khayal
aaina tut jae hai aks-e-jafa ke baad

'asrar' aadmi hun koi dewta nahin
manzil bhi chahta hun main rah-e-wafa ke baad